 |
|||
| दिनांक: | |||
             |
|||
 |
 |
| आरेवारेनजिक पिकनिक पॉईंटजवळची दरड कोसळली, काही काळ वाहतूक ठप्प |
| दिनांक: 26-07-2010 |
| रत्नागिरी, (प्रतिनिधी) : रत्नागिरी-गणपतीपुळे महामार्गावर आरेवारी पिकनिक पॉईंटजवळ दरड कोसळल्याने या मार्गावरील वाहतूक काही काळ ठप्प झाली होती. आता छोटया वाहनासाठी खुली झाली असली तरी जड वाहनांसाठी वाहतूक बंद आहे. आरेवारे पुलाजवळच्या वळणावर दोन ठिकाणी दरडी कोसळल्या. पिकनिक पॉईंट म्हणून ओळखल्या जाणाऱ्या वळणार मोठी दरड कोसळली. येथील ग्रामस्थांनी व वाहनधारकांनी दरडीचा काही भाग बाजूला करून छोटया वाहनांची वाहतूक सुरू केली. कोसळलेल्या या दरडीमध्ये मोठा दगड असल्याने तो बाजूला केल्याशिवाय ही वाहतूक व्यवस्थितरित्या चालू होणे अशक्य आहे. या ठिकाणी केलेल्या डोंगराची कटींग उभी केली असल्याने पावसाळयात त्याला धोका होण्याची शक्यता ग्रामस्थांनी व्यक्त केली होती. हा रस्ता रत्नागिरी ते गणपतीपुळे जाण्यासाठी कमी अंतराचा रस्ता असल्याने त्या ठिकाणाहून मोठया प्रमाणावर पर्यटकांची वाहतूक सुरू असते. |
