 |
|||
| दिनांक: | |||
             |
|||
 |
 |
| कोयना धरणाची पातळी दहा फुटांनी वाढली |
| दिनांक: 25-07-2010 |
 |
| चिपळूण, (प्रतिनिधी) : कोयना धरण क्षेत्रात धुवाधार पाऊस कोसळत असून गेल्या तीन दिवसांतील विक्रमी पावसाने धरणातील पाणीसाठयात तब्बल दहा फुटांनी वाढ झाली आहे. कोयना , नवजा व महाबळेश्वर या तीन ठिकाणांपैकी नवजा येथे तीन दिवसात विक्रमी 525 मि. मि. पावसाची नोंद झाली आहे. कोळकेवाडी धरण परिसरातही 93 मि. मि. पाऊस कोसळला आहे. कोयना धरण परिसरात जुलै महिना संपायला आला असला तरी गतवर्षीपेक्षा निम्माच पाऊस पडला होता. त्यामुळे पाणी साठयातही कमालीची घट दिसत होती. पावसात सातत्य नसल्याने चिंता व्यक्त केली जात असतानाच गेल्या तीन दिवसांपासून मुसळधार पाऊस कोसळत आहे. तीन दिवसात नवजा येथे 525, महाबळेश्वर येथे 400 तर कोयना येथे 312 मि. मि. पावसाची नोंद झाली आहे. त्यामुळे धरणाचा पाणीसाठी 8 ते 9 टीएमसीने वाढला आहे. धरणातील पाणी साठवण क्षमता 105.25 टीएमसी असून सद्यस्थितीत 4559 टीएमसी पाणीसाठा झालेला आहे. |
