 |
|||
| दिनांक: | |||
             |
|||
 |
 |
| बिबटयाचा महिलेवर हल्ला, महिला जखमी |
| दिनांक: 24-07-2010 |
 |
| रत्नागिरी, (प्रतिनिधी) : रत्नागिरी तालुक्यातील देवूड येथे शेतात न्याहारी घेवून जाणाऱ्या शेतकरी महिलेवर अचानक बिबटयाने हल्ला चढवला व तिच्या नरडीचा घोट घेण्याचा प्रयत्न केला. या प्रकारात महिला गंभीर जखमी झाली असून येथील जिल्हा शासकीय रूग्णालयात दाखल करण्यात आले आहे. देवूड घाणेकरवाडीत राहणारी सौ. रंजना रमेश घाणेकर ही महिला शेतीच्या कामासाठी सकाळी घराबाहेर पडली. शेतात गेलेल्या घरातील इतक लोकांना ती न्याहारी घेवून जात असता वाटेत झुडपातून अचानक बिबटयांची एक जोडी बाहेर आली. समोर बिबटया आल्याने रंजना घाबरली. त्यातील एक बिबटया पुढे निघून गेला परंतु दुसऱ्या बिबटयाने रंजना हिच्यावर झेप घेतली व तिच्या नरडीचा पकडण्याचा प्रयत्न केला. बिबटयाच्या हल्ल्याने रंजना खाली पडली त्यावेळी बिबटयाने तिच्या पोटावर व मानेवर पंजा मारून हल्ला केला. घाबरलेल्या रंजनाने आरडाओरड केल्याने वाडीतील ग्रामस्थ बाहेर आले. त्यांनी केलेल्या आरडाओरडीमुळे बिबटया पळून गेला मात्र या हल्ल्यात रंजना ही जखमी झाल्याने तिला शासकीय रूग्णालयात दाखल करण्यात आले असून तिच्यावर उपचार सुरू आहेत. या परिसरात बिबटयाच्या वाढत्या संचारामुळे ग्रामस्थांच्यात चिंतेचे वातावरण निर्माण झाले आहे. |
